مقالات
من هون من القلب.. صوتي أمانة وعهدي ما بينكسر
يا ناس… ما بقا في وقت للحياد.
المعركة مش معركة انتخابات، هيدي معركة وفا.
نحنا اللي شربنا الكرامة من وجّ الدم، واللي تربّينا على صوت الحق، ما فينا نساوم، ما فينا نغيب، وما فينا نخذل.
من بيروت اللي ما ركعت، لبعلبك الهرمل اللي ما باعت… في ناس ناطرتنا، في دم ناطر موقف، وفي قائد ناطر يسمع الصدى.
إيه، بكرا بدنا نرفع الراس، ونقول لسيدنا: صوتنا ما غاب… وإيدنا بعدا عالإيد.
بدنا نقلّو: الأمانة اللي حطيتا برقبتنا، بعدها محفوظة بعيوننا، بدمنا، وبكل صوت رح ينكتب باسمك.
نحنا ما مننتخب، نحنا منبايع. ومنقولها بصوت ما بيرتجف:
أنا على العهد، يا نصر الله
وصوتي مش ورقة… صوتي عهد، دم، وحكاية ما بتنتهي.
عماد جابر
المقالات والآراء المنشورة في الموقع والتعليقات على صفحات التواصل الاجتماعي بأسماء أصحـابها أو بأسماء مستعـارة لا تمثل بالضرورة الرأي الرسمي لموقع "صدى الضاحية" بل تمثل وجهة نظر كاتبها، و"الموقع" غير مسؤول ولا يتحمل تبعات ما يكتب فيه من مواضيع أو تعليقات ويتحمل الكاتب كافة المسؤوليات التي تنتج عن ذلك.
